مغاربة شادين ف طه ايسو وفيصل فلوكَ وطلبو منهم مايبقاوش يسافرو يصدقو مدخلين كورونا للمغرب

طه إيسو وفيصل فلوكَ لي كيتساراو العالم باش يصورو فيديوهات في اليوتوب، ولاو مطالبين اليوم باش يشدو الأرض وميبقاوش يدورو حتى يمشي هاد فيروس كورونا لي قتل الالاف عبر العالم.
المغاربة لي اختارو يواجهو الفيروس القاتل بالطنز والساركازم والطرولات، وجهو في هاد الويكاند رسالة مباشرة لهاد جوج باش ميبقاوش خيطي بيطي في البلدان، خوفا عليهم من المرض أولا وثانيا لا يصدقو جايبينو معاهم.
حاليا طه ايسو كاين في مدريد والأحد مشا تفرج في الكلاسيكو، وقبل منها كان في فرنسا، وفيصل راه في الهند وكان قبل في ماليزيا تحديدا في العاصمة كوالا لمبور.