بعدما زبلها وكان غادي ياكل الدق. الفلوگور فيصل عتق الموقف وشد الطوندونس المغربي -فيديو

الفلوگور فيصل لي معروف بالفيديوهات ديالو خارج المغرب، ولي كان مشا حتى للهند ودار خدمة نقية كان غادي يضرب كلشي في الزيرو بعدما دار بوسط في انستگرام فاش جا للمغرب وقال انه حس براسو ماشي ديال هاد البلاد وبغا يخويها، هادشي خلا المتتبعين ينتاقدوه ويديرو حملة باش يقاطعوه حيت لي مغاديش يهز ببلادو في نظرهم ماعندهم مايديرو بيه.
فيصل باش يعتق الموقع ويتجاوز الزبلة، ناض دار فيديو مشا فيه للمكان ديال فيضان تارودانت وضحايا ملعب تزيرت ودا معاه الما وشي لعيبات فرقهم على عائلات الضحايا.
الفيديو تشاف نصف مليون مرة وخلاه يشد البلاصة الأولى في الطوندوس ديال المغرب على اليوتوب، والتعاليق كانت كثيرة والتفاعل كبير.