وصلوه يكفر بالدولة. تلميذ شرب سم الفيران فوسط مديرية التعليم بتاوريرت بسباب البيروقراطية

تلميذ فشعبة العلوم الانسانية مستوى الباك فتاوريرت، لبارح شرب سم الفيران وبغا يصفي راسو بسباب تماطل مديرية التعليم وإحدى الثانويات فتنقيله.
التلميذ بغا ينتاقل لواحد الثانوية حدا دارهوم، ومشا جاب الاذن من الاكاديمية وعطاه للثانوية، ولكن المديرية ديال التعليم والثانوية بقاو كيطلعو فيه ويهبطو لعدة أسابيع، التلميذ عيا من هادشي مشا شرا دوا الفيران وجا شربو فوسط مديرية التعليم.
هادي كارثة تعليمية، ما رفضو طلب التلميذ باش يرجع لثانوية ديالو ما وافقو عليه وخلاو الدري معلق حتى كان غايصفيها لراسو، وهادشي كولو لأن شي مسؤول مابغايش واخا تدخلو عليه بزاف دالناس حقاش الدري باغي يقرا حدا دارهوم.