بالفيديو: بونو حارس الاسود فحوار حصري مع “كود” من اشبيلية: الواحد خاصو يخدم ويتسنى مناسبتو

قال حارس المنتخب المغربي لكرة القدم ياسين بونو في حوار حصري مع “كود” بملعب اشبيلية الاسباني باللي فيساع تألقم مع فرقتو “اف سي سيڤيا” “تاقلمت دغيا مع الفريق الجديد. كان هاد الشي سريع” وضح بونو ل”كود”.
الحارس قال ل”كود” باللي دابا تفكيرو كولو فالحاضر. كيفكر وكيخدم باش بلاصتو كحارس اساسي مع هاد النادي الشهير. الحارس اوضح ل”كود” انو خاص اللعاب /الرياضي “يتسنى الفرصة وياخد القرار ويتحمل لوريسك” وباللي خاصو يتنافس باش ياخد بلاصتو و”باش يحس براسو حي” وبللي القضية ماشي تلعب “روميير او دوزيام ديفيزون”
باش يوصل لهاد الشي اكد بونو ل”كود” ان الكورة خاص الواحد يخدم كيف قلت٬ ويتنسى مناسبتو” حقاش “الكورة فيها بزافت الامور” وباللي اما “تعطيك فرصة” ولا “تحيدها ليك”
بونو كيدير الفرق بين الفرقة وبين المنتخب “مللي كيقرب المنتخب الوطني كاتكون الحماسة كبيرة والموتيفاسيون عالية” باش دافع “على القميص الوطني”.