ديزي دروس: انا ضد تشييء العيالات وماعنديش فكرة نجيب بنات عريانات فالكليبات بحال الروابا الاخرين

الرابور عمر السهيلي المعروف بلقب “ديزي دروس” أكد أنه ضد تشييء العيالات داكشي علاش عمرو مدار شي مانكان في الفيديو كليبات ديالو.
وقال “ميستر كازا فونيا” في برنامج تلفزي كانت الاعادة ديالو هاد السيمانة :”مانبغيش نجيب مرا بحال شيء. أغلب الروابة كيجيبو المرا بحال طوموبيل وأنا ضد هادشي”.
ووضح ولد بين المدون في كازا أنه نهار غادي يجيب شي بنت في الكليب غادي يكون عندها دور، وماشي غير محطوطة غير هاكاك.
وبخصوص واش هو محافظ قال “أنا محافظ والواليد محافظ بزاف، وأنا عندي قناعة. وأنا ضد تشييء المرأة داكشي علاش”.