ها شنو باغي يدير إنفانتينو باش يزمط الحكام المرتشين والسماسرية فلافريك

مشاكل التحكيم والفساد، اللي فالقارة الإفريقية داير القوق لجياني إنفانتينو، رئيس الاتحاد الدولي لكرة القدم، خصوصا أن ظاهرة الرشوة غادة وكتكبر.
رئيس “فيفا” أكد في اليوم الدراسي البارح السبت فمركز محمد السادس في المعمورة، أنه سمع كثير على فساد الحكام الأفارقة وخاص يتوضع حد لهاد الشي كامل.
انفانتينو أكد أنه قرر يختيار 20 أفضل حكما في القارة الإفريقية، ويخدمهوم بعقود احترافية رفقة الاتحاد الدولي لكرة القدم، يعني بصريح العبارة يكونوا موظفين تابعين للفيفا، وما شي حتى لشي جهة معينة. وگال “خاص الحكام يتفرغوا للتحكيم، باش يحسنوا من المستوى ويساعدونا باس نكونوا حكام جداد”.
واعترف إنفانتينو بوجود الرشوة فالتحكيم وانعدام المصداقية والنزاهة فلافريك، وهادشي راحنا عارفينوا ووقفنا عليه بالحجة والدليل.