عاجل. الطيارة لي هازة الطلبة لمغاربة لي جايين من الشينوا وصلات ونزلات فمطار بنسليمان

الطيارة ديال لارام لي مشات هزات الطلبة لمغاربة فووهان وصلا قبل قليل لمطار بنسليمان حسب مصادر مطلعة ل”كود”.
المصادر قالت أن هناك تعتيم على مكان نزول الطائرة باش مايجيوش الصحافيين يصورو الطلبة حفاظا على سرية هويتهم باش مايعانيوش من خوف المقربين منهم، وكان فالبداية ما معروفش ولش غاينزلو فمطار بنسليمان او مطار فاس، وفالاخير نزلوا فمطار بن سليمان.
وزادت ذات المصادر التي فضلت عدم الكشف عن اسمها، بأن الطائرة بداخلها 184 واحد ما بين طاقم الطائرة والطلبة وشخصين من وزارة الخارجية اضافة إلى طاقم طبي عسكري.
وزاد المصدر أنه كيطلب من أهالي الطلبة يتفهموا الوضع الحساس وأن الطلبة ماغايقدرو يتواصلو مع تاواحد دابا الى غاية خروجهم من المستشفيات لي غايدخلوها.
تفاصيل اكثر لاحقا.