مستريسي ومخلوع ومامفاكش.. سعد لمجرد كيوجد فيديو كليب جديد مع الفناير فمراكش وليكيب خدامة تحت شروط قاصحة

المغني المغربي سعد لمجرد كمل البارح الجمعة تصوير فيديو كليب جديد غادي يديرو مع مجموعة “فناير”.
الأغنية لي مقرر يخرجها بداية فبراير صور ليها فيديو كليب في مراكش مع فريق كامل مغربي. لكن بعدما تعاود تحل ملف الاغتصاب في فرانسا غادي يخلي حتى تبرد الوقت شوية.
والتبركَيكَة لي جابت “كَود” أن ليكيب كاملة موقعة عقد ممنوع فيه نشر شي تصويرة من الكواليس، ولي زغبو زهرو وخرج شي حاجة يخلص غرامة.
وحسب مصدر “كود”، واخا لمجرد شاداه الخلعة ومستريسي وخايف يعاود يدخل للحبس، مامفاكش مع الخدمة لي كان ديجا حاط تفاصيلها وباغي يخرجها.