الناصري رئيس الوداد ل”كود”: جبنا دي سابر باش نلعبو على البطولة الوطنية وعلى الشامبيانز ليگ وها نهاراش غاديين نقدموه وها ردي على اللي كيقول باللي جبت 11 لعاب جديد

قال سعيد الناصري رئيس الوداد البيضاوي في تصريح ل”كود” ان المدرب الفرنسي سيباستيان دي سابر سيقدم للجمهور رسميا يوم الثلاثاء المقبل. المدرب الفرنسي اللي وقع للنادي سبق ان دربه قبل سنوات. واكد الناصري ل”كود” ان الهدف من استقدام هاد المدرب للنادي هو يدي البطولة والشامبيانز ليگ الافريقية.
ودافع الناصري على هاد المدرب وقال ل”كود” باللي راه “سبق وجرب الخدمة مع الوداد وكانت النتيجة مرضية” مضيفا “راه مشى وخلى الوداد فالصدارة 2017 وكيعرف البطولة المغربية”.
كما دافع الناصري عن الانتدابات الجديدة وقال ل”كود” “راه باقية فالوداد ليبيليي ديال الفرقة ما حيدنا حد” واكد ل”كود” “ما جبتش لعابة بزاف. جبنا 11 لعاب ولكن راه طلقنا 10 لعابة. يعني غير لعاب واحد اللي زاد”.