خاص. ايوب العكبي بعد منو مونديال روسيا وحتى شي ودادي ما عندو حظوظ

علمت “كود” ان هداف الشان الاخير ومهاجم نهضة بركان حظوظو للمشاركة في مونديال روسيا قليلة بزاف. حسب مصدر ل”كود” فان العكبي واخا لعاب مزيان ولكن عندو مشكلة دابا وهو مازال كيخاف. ناقصاه الزعامة اللي محتاجاها المنتخبات المشاركة في المونديال اللي غادي يبدا فروسيا نهار 15 يونيو المقبل.
باينة التجارب اللي دارها والمباريات اللي شارك فيها ما خلاتوش يكون شجاع فالهجوم بحال عدد من المحترفين.
حسب مصدر “كود” فان البطولة يقدر يمشي منها لعابة قلال بزاف. الرجاء عندها حظوظ كبيرة باش يمشي منها شي لعاب والوداد موحالش. طبعا هاد الشي ايلى خلاو المدرب هيرفي رونار والطاقم اللي معاه يديرو خدمتهم وما يدخلوش فيهم باي شكل من الاشكال بحال اللي واقع لحد الان بين الجامعة ورونار