حكم رواندي غادي يصفر للرجاء فماتش شبيبة القبائل

الكونفدرالية الإفريقية لكرة القدم عينات الحكم الرواندي لويس هاكيزيمانا باش يصفر الرجاء البيضاوي فالماتش ديال شبيبة القبائل الجزائري نهار الجمعة جاية ضمن الجولة الرابعة من منافسات دوري أبطال إفريقيا.
الكاف اختارت الحكم الرواندي هاكيزيمانا لهاد الماتش بسبب الباركور ديالو، حيث يعتبر من خيرة الحكام فلافريك.
وسبق لهاد الحكم أن قاد ماتش ديال المنتخب الوطني كونتر ناميبيا في نهائيات كأس إفريقيا للامم، لي تنظمات فمصر فيونيو 2019، وحقق فيها الأسود الفوز بواحد لزيرو.
الحكم هاكيزيمانا صفر كذلك فالماتش ديال المنتخب الوطني وموريتانيا فنونبر الماضي في التصفيات المؤهلة لنهائيات كأس أمم إفريقيا الكاميرون 2021، وسالا الماتش بزيرو لزيرو بملعب المجمع الرياضي الأمير مولاي عبد الله فالرباط.