المنتخب غادي يلعب مع موريتانيا فالرباط

المنتخب الوطني المغربي غادي يرجع يلعب فالرباط، بعدما غاب عليه مشحال هادي، خصوصا من الماتش ديال مالي لي ربحو ب6 لزيرو ضمن الإقصائيات الإفريقية المؤهلة ألى مونديال روسيا 2018.
الجامعة أعلنت رسميا البارح أن المنتخب الوطني غادي يواجه موريتانيا نهار 15 نونبر جاي بملعب المجمع الرياضي الأمير مولاي عبد الله فالرباط، برسم الإقصائيات المؤهلة ألى نهائيات كأس إفريقيا 2021.
هاد الماتش ديال المنتخب الوطني والموريتاني غادي يكون قبل 3 ايام فقط من المباراة النهائية لكأس العرش، لي غادي تنظم كذلك في ملعب المجمع الأمير مولاي عبد الله.
وحيد خاليلوزيتش، الناخب الوطني، شرع في تحضير الأسود لماتش موريتانيا منذ سبتمبر الماضي، بعدما لعب مع بوركينافاسو والنيجر وليبيا، وغدا غادي يلعب كونتر الگابون في ملعب طنجة في الثمنية ديال العشية.