3000 بوليسي للديربي وحملة ضد الشهب الاصطناعية

السلطات الأمنية في الدار البيضاء خصصات 3000 بوليسي للديربي، لي غادي يجمع الرجاء البيضاوي يغريمه التقليدي الوداد البيضاوي غدا الأحد بملعب مركب محمد الخامس في الدار البيضاء، برسم الدورة العاشرة من منافسات البطولة الاحترافية.
السلطات الأمنية غادي توفر هاد العدد باش تأمن الماتش مزيان وتحكم فيه، وبالتالي تفادي أحداث الشغب والفوضى، لي يمكن توقع إذا وقعات اشتباكات بين جمهور الفريقين.
البوليس ما غاديش يكون غير فالتيران فقط بل غادي ينتشر بالمحيط ديالو وفي مختلف الطرقات المؤدية إليه.
وأكثر من ذلك أن البوليس غادي يفرض مراقبة وتفتيش صارم فالبيبان ديال التيران باش يمنع ادخال الشهب الاصطناعية واللافتات، لي فيها عبارات مسيئة للفريق المنافس.
ومن المنتظر أن يجرى الديربي في شبابيك مغلقة بسبب الإقبال الكبير على شراء التذاكر.