اسبانيا كتنسى كيفاش غادي يسالي الكلاسيكو بين البارصا والريال فالكامب نو برشلونة هاد الليلة. ماشي النتيجة اللي مهمة. الوضع الامني اللي اساسي. هاد الوضع خلى لاول مرة فتاريخهم٬ لفراقي بجوج يكونو فاوطيل بعيد ب400 مترو على الكامب نو. حتى الحكام كانو معاهم فنفس لوطيل. المدربين بجوج خلاو توجيهاتهم وخططهم حتى للملعب. لعابة البارصا اول وحدين وصلو للتيران وتبعوهم لعابة الريال ثم الحكام. هاد الشي تقرر لاسباب امنية بعد تهديدات من مساندي الانفصال باش يعتارضو كار ريال مدريد. هادي اول مرة كذلك لفراقي يدخلو للتيران قبل ما يتفتح. دقائق بعد ذلك عاد فتحو بوابات الملعب للجمهور. الوضع في كتالونيا حيث يطالب عدد منهم بالانفصالل وانشاء جمهورية٬ خلى كلشي على اعصابو. لدرجة ان برلماني من “سيودادانوس” طلب من الريال ما تلعبش فهاد الظروف الكلاسيكو. هاد الكلاسيكو كان خاصو يتلعب فاكتوبر غير مع ما عاشتو برشلونة من احتجاجات عنيفة خلى اتحاد الكورة الصبليوني يؤجل الماتش. ماتش اليوم وجدو ليه 3 آلاف رجل شرطة ومقاولين أمنيين. طيارات. تفرضات فيه اجراءات امنية غير مسبوقة باش تدخل للملعب. قلبو كلشي حتى لقوادس خايفين من تيار راديكالي عنيف كيدعو للاستقلال. فرض الأمن أثناء مباراة اليوم التي ستنطلق في الساعة السابعة مساء بتوقيت غرينتش. وقال ميكيل بوش، مسؤول الشؤون الداخلية في إقليم كاتالونيا للصحفيين إن الشرطة “ستضمن سير المباراة بشكل طبيعي وأمن المشاهدين خارج الملعب وداخله”. هاد الشي جا بعد تنظيم رئيس اقليم كاتالونيا لاستفتاء واخا ما كايناش شروطو. من بعد هرب بودزيمون لبروكسيل وتشدو عدد من قادة هاد الاقليم وتحكم عليهم فاكتوبر. 9 من 12 بالسجن. وهي تنوض فهاد الاقليم.
