كلاسيكو الأرض كيطبخ بالمهل وداير حالة فالمغاربة.. موالين القهاوي كيوجدو ريوسهم وها لائحة البارصا والريال

كلشي كيستنى كلاسيكو الأرض، لي غادي يجمع برشلونة الإسباني وريال مدريد اليوم الأربعاء بملعب كامب نو فالثمنية ديال العشية.
الكلاسيكو ما غاديش يخرج على عادته في استقبال الجمهور، ما شي غير فالتيران، بل حتى فقدام التلفازات وفي القهاوي كاملة لي فالمغرب.
“كود” عاينات بزاف ديال أرباب المقاهي كيستعدوا لهاد الكلاسيكو رغم برودة الطقس من خلال زيادة عدد الكراسي وترتيبها وكاين محبين، لي بداو كايخدوا بلايصهم من دابا، باش يتفادوا الزحام.
وبزاف ديال المغاربة لي قرروا يمشيو لبرشلونة باش يتفرجوا فالكلاسيكو بملعب كامب نو، كما أن التعليقات والتغريدات في في مواقع التواصل الاجتماعي بدات من دابا كل واحد كايلغي بلغاه.
ارنستو فالفيردي، مدرب برشلونة عطا اللائحة لي غادي يعتمد عليها فماتش الريال، بعدما قرر يبعد ربعة ديال اللعابة وهم موسى واجي وجونيور فيربو وتوديبو لأسباب فنية كما خرج من القائمة البرازيلي ارثر. وها اللائحة لي استدعائها المدرب أندري تير شتيگن ونيتو وجيرارد بيكيه، وصامويل أومتيتي وسيرجي روبرتو ونيلسون سيميدو وكليمنت لينغليت وخوردي ألبا وإيفان راكيتيتش وسيرجيو بوسكيتس، أرتورو فيدال وفرانك دي يانغ وكارليس آلينيا، ليونيل ميسي وأنطوان غريزمان وأنسو فاتي، كارليس بيريز ولويس سواريز.
أما زين زيدان مدرب ريال مدريد فحيد من اللائحة كل من إيدين هازارد والبرازيلي مارسيلو والكولومبي خاميس رودريغيز بسبب الإصابة، وأبعد ألفارو أودريزولا وبراهيم دياز وماريانو دياز لأسباب فنية.
وضمت قائمة الفريق الملكي تيبو كورتوا، ألفونس أريولا ألتوبي وداني كارفخال وإيدير ميليتاو وسيرخيو راموس ورافاييل فاران، ناتشو فيرنانديز وفيرلاند ميندي وتوني كروس ولوكا مودريتش وكاسيميرو وفريدريكو فالفيردي وإيسكو وغاريث بيل، فينسيوس جونيور ورودريغو غويس ولوكا يوفيتش وكريم بنزيمة.