التصويت سالا فالجزائر والسلطة كتقول 33 فالمئة صوتوا باش ماتعاودش الانتخابات

الانتخابات الرئاسي لي بداتهاد الصباح فالجزائر، سالات قبل قليل وغاتبدا عملية الفرز لاعلان اسم الرئيس الجديد لبلاد المليون شهيد.
السلطة الانتخابية المستقلة قالت أن هاد الانتخابات شارك فيها 33,06 من مجموع الناس لي من حقهوم يصوتوا، مؤكدة أن اقل نسبة تسجلات فتيزي وزو لي صوتوا فيها 0,04 وموراها بجاية 0,14 فالمائة من عموم المسجلين فالولاية.
نسبة 33,06 لي قالتها السلطات كيشككوا فيها النشطاء الجزائريين، مؤكدين أن السلطات كتنفخ فالارقام غير باش ما تعاودش الانتخابات.
وقالت وسائل الاعلام أن عملية فرز الاصوات فمكاتب التصويت بدات بعد اغلاقها، والليلة غايتعلن عن النتائج.