مانولوفيتش: الحكم ظلمنا وكون كانوا اللعابة كاملين گاع الماتش ما يسالي بالتعادل

الصربي زوران مانولوفيتش، مدرب الوداد البيضاوي، اعتبر التعادل، لي حققه فريقه فماتش صان داونز البارح السبت بملعب مركب محمد الخامس فالدار البيضاء، في الجولة الثانية من مسابقة دوري الابطال، ماكانش منصف للوداد.
وأكد مانولوفيتش أن الوداد البيضاوي، هو لي كان أفضل فالتيران، ولولا الحكم لخرج الوداد منتصرا فهاد الماتش، وگال “الحكم ظلمنا فهاد الماتش حيث كان كيوقف هجومات الوداد كل مرة”.
واعترف مانولوفيتش إن الغيابات أثرت على الوداد فماتش صان داونز “كون كانوا اللعابة كاملين گاع الماتش ما يسالي بالتعادل”.
مانولوفيتش أكد “صان داونز رجع بتعادل ثمين من التيران ديالنا لكن مازال ماتشات كتنتظرنا وخاصنا نحققوا نتائج إيجابية قيها”.
صان داونز رجع هو الأول بعد التعادل امام الوداد ب4 ديال النقاط مقابل جوج صافي للوداد.