صان داونز وصل لكازا ومدربه: غادي نربحو الوداد هاد المرة

فريق صان داونز الجنوب افريقي وصل اليوم لكازا، باش يستعد مزيان للماتش، لي غادي يجمعه بالوداد البيضاوي نهار السبت الجاي بملعب مركب محمد الخامس فالدار البيضاء برسم الجولة الثانية من مسابقة كأس دوري ابطال إفريقيا.
صان داونز جا للمغرب بكري باش يتأقلم مع الجو، خصوصا أنه ما عمر سبق ليه الفوز على الوداد في مسابقة دوري الأبطال.
مدرب بيتسو موسيماني، مدرب صان داونز أكد أن فريقه عازم هاد المرة باش يرجع بثلاثة ديال النقاط، وگال في تصريحات صحافية “ماشي ساهل تربح الوداد فسطاد دونور، ما عمرنا ربحنا فالمغرب، ولكن هاد المرة عوالين باش نحققوا أول فوز على الوداد بملعبه”.
واعترف موسيماني بقوة الوداد البيضاوي “هو فريق عنيد وعندو تجربة في المسابقات الإفريقية. خاصنا نربحو وغادي نحققوا هدفنا”.
الوداد وصان داونز تلقاو 8 ديال المرات في دوري ابطال افريقيا، فاز الوداد في 4 ديال المرات وتعادل فجوج وخسر فجوج خارج الميدان.