السلامي: اللعابة كانوا رجالة والربح رجع لينا الثقة

عبر جمال السلامي، مدرب الرجاء البيضاوي عن سعادته بتحقيق فوز خارج الميدان أمام فيتا كلوب الكونغولي اليوم الجمعة بملعب الشهداء بكينشاسا في الجولة الثانية من مسابقة دوري أبطال إفريقيا.
وأكد السلامي في تصريحات صحافية بعد الماتش، أنه ما شي ساهل خوض 3 ديال المباريات قوية في ظرف وحيد، وتنجح باش تحقق نتيجتين ايجابيتين فجوج، وأضاف “المهم أن هاد الفوز غادي يرجع الثقة للعابة والجمهور بعد الهزيمة أمام الترجي التونسي بجوج لزيرو فمركب محمد الخامس فالدار البيضاء، فالجولة الاولى من هاد المسابقة”.
واعتبر السلامي أن اللعابة تقاتلوا فهاد الماتش وطبقوا التعليمات مزيان “اللعابة كانوا اليوم رجالة وشرفوا التوني ديال الرجاء. ودابا حنا مستعدين لأي فريق مستقبلا”.
جمال السلامي لعب دور كبير في فوز الرجاء على فيتا كلوب من خلال التنظيم والتكتيك لي اعتمدو فالماتش.