ومن الحب ما قتل.. بنت انتحرات بعدما مات خطيبها فكسيدة

بنت أسترالية تصدمات بموت خطيبها لي دار كسيدة وقررات تموت وتبعو حيت مقدراتش تعيش بلا به.
أليس روبنسون (26 عام) قبل ما تقتل راسها سيفطات ميساج في النمرة ديال حبيبها وكتبتات ليه “كنبغيك وغادي نتبعك”.
وقالت صحيفة “ديلي ميل” البريطانية البارح الخميس أن القضية وقعات فدجنبر ديال العام لي فات ومازال المحكمة كتبحث فيها، وأن البنت ماتت منتحرة بعدما أكدات سجلات التلفون انها سيفطات ميساج لخطيبها واخا عارفاه ميت، في المقابل عائلتها كيقولو أنها ماتت في ظروف كان ممكن شي واحد يساعدها.