بعد “عاش الشعب”.. لزعر ف صرخة جديدة: عوض ما تقمعني حل وذنيك ومني تقرب

في صرخة جديدة، الرابور المغربي لزعر لي شارك ف “عاش الشعب” الاغنية المثيرة لي تسببت في ردود فعل رسمية وسياسية نددوا بيها (حكومة، ووزراء وأحزاب)، مع ولد الگرية والگناوي، خرج كيقول “كنعلي صوتي ونقول لي ف قلبي انا ما انفصالي وما ارهابي ومبايع بلادي وانا كنقول الحق”.
لزعر بدا الأغنية الجديدة لي عنوانها “مقصح كيهضر”، ب”سماوني شمكار حيث كنطالب بحقي وسولو الكناوي علاش خرج من روندتو “.
ومن الكلمات اللي جات ف هاد الاغنية :”أنا ولد الشعب مخايفش من الموت ومن القرطاس والهراوة”.
فالأغنية، لزعر هضر على سياق “عاش الشعب” لي شافها اكثر من 15 مليون واحد في يوتوب، وعاود كرر مطالب العدالة الاجتماعية.
لزعر هضر على فئات اجتماعية كثيرة، وهضر بالأخص على ذوي الاحتياجات الخاصة، وذكر محسن فكري وحياة.
وجا ف الكلمات :”قول عليا لي بغيتي كنفسد ولا كنشر ولكن راجل وقلت ليك عاش الشعب”.
الاغنية وصلات ف 24 ساعة اأزيد من 300 ألف مشاهدة.