منتخب عموتة غادي يلعب مع غينيا في الجديدة.. الجامعة كدير التناوب

الجامعة الملكية المغربية لكرة القدم اختارت الملعب العبد في الجديدة، باش يحتضن الماتش ديال المنتخب المحلي كونتر غينيا نهار 19 فهاد الشهر، ضمن الاستعدادات لكأس إفريقيا للمحليين، اللي غادي تنظمها الكامرون ف ابريل الجاي 2020.
الجامعة قررت دير التناوب على بعض الملاعب، اللي متوفر فيهم المواصفات المطلوبة.
فبعد أن اختارت الملعب الشرفي ف وجدة للماتش ديال ليبيا وملعب طنجة للماتش ديال الغابون والملعب البلدي ببركان احتضنت المباراة الفاصلة للمنتخب المحلي ضد نظيره الجزائري، جا الدور على ملعب الجديدة، لي غادي يلعب فيه المنتخب المحلي ضد غينيا.
الجامعة باغية تخرج المنتخب الوطني من محور الرباط الدار البيضاء ومراكش.
وكان المنتخب المحلي غادي يلعب مع الطوغو ف 15 نونبر الجاي بطوغو، لكن هاد الماتش تلغى، لأن مدرب المنتخب المحلي هو نفسو المدرب ديال المنتخب الأول، لي عندو ماتش رسمي في نفس النهار.