ها علاش غادي يجتمع المكتب الجامعي

المكتب المديري غادي يعقد اجتماع هاد العشية بمقر الجامعة بحي الرياض ف الرباط باش يناقش مجموعة من المواضيع.
الاجتماع جا بعد القرار، لي اتخذوا فوزي لقجع رئيس الجامعة، وأكد فيه بلي ضروري يجتمع المكتب المديري مرة كل شهر.
مصادر كود أكد أن المواضيع، لي غادي تطرح ف الاجتماع تتعلق ببرنامج المنتخب الوطني والإدارة التقنية الوطنية، وقضية الحكم المساعد الفار، لي غادي تبدا رسميا ف دومي فينال ديال ديال كأس العرش.
الجامعة قررت أن يكون “الفار ” ف ماتش الدفاع الحسني الجديدي والاتحاد البيضاوي نهار السبت الجاي بملعب طنجة وماتش حسنية أكادير كونتر المغرب التطواني نهار الأحد الجاي ف ملعب مراكش.
بزاف ديال المواضيع غادي تناقش فالاجتماع منها منحة الهواة والعصب الجهوية وبرنامج المنتخب الوطني، لي غادي يلعب كونتر.
موريتانيا نهار 15 نونبر الحاي و19 ضد بوروندي ف الإقصائيات الإفريقية المؤهلة إلى نهائيات كأس إفريقيا للأمم 2021.