زطشي وبلماضي جاو لبركان.. خاوة خاوة شعار ماتش المغرب والدزاير – فيديو

خير الدين زطشي، رئيس الاتحاد الجزائري لكرة القدم وجمال بلماضي مدرب ديال المنتخب الأول جاو هاد الصباح لوجدة، باش يدعموا منتخب بلادهم غدا السبت كونتر المنتخب الوطني في الملعب البلدي فبركان برسم التصفيات الإفريقية المؤهلة إلى نهائيات كأس إفريقيا للمحليين.
خاوة خاوة شعار ماتش المغرب والدزاير
Publiée par GOUD sur Vendredi 18 octobre 2019
زطشي وبلماضي قرروا متابعة مباراة المنتخب الجزائري بالملعب، باش يقدموا الدعم الكافي للاعبين ويساندوا المدرب الفرنساوي باتيلي في هاد الماتش، لحقاش عوالين يديو الفيكطوار من بركان.
فوزي لقجع رئيس الجامعة غادي يدير حفل على شرف رئيس الاتحاد الجزائري ومدرب المنتخب الجزائري بلماضي.
المنتخب الجزائري سبق ليه التعادل صفر لمثله في المباراة التي جمعته بالمنتخب المغربي في ملعب مصطفى تشاكر بالبليدة.
الجمهور غادي يكون حاضر بزاف فهاد الماتش بعدما تسالاو التذاكر من البارح، وارتفعت الأثمنة ديالها بشكل كبير فمارشي نوار.
الجمهور بدا كيرحب بالمنتخبين المغربي والجزائري وعوال يشجعهم بجوج، بعدما رفع شعار خاوة خاوة، لي سبق للجمهور المنتخبين بجوج رفعوها في كأس إفريقيا بمصر.
التيران غادي يكون عامر والناس ديال بركان فرحانين بالمنتخب الوطني.