الزحام والفوضى وبنادم طايح على ود “بيي” ديال الديربي…البيع بدا من الفجر

إقبال كبير على تذاكر الديربي، اللي غادي يجمع الرجاء البيضاوي بغريمه التقليدي الوداد البيضاوي السبت الجاي في ذهاب ثمن نهائي كأس محمد السادس للأندية الأبطال.
عملية البيع عرفت حشود كبيرة ديال مشجعي الفريقين من الصباح سواء فالگيشيات لي مخصصة الرجاء، أو لي مخصصة لانصار الوداد البيضاوي.
نقاط البيع عرفت فوضى وازدحام وإغماءات في صفوف المشجعين وبنادم بقا طايح ف الشارع العام أمام أعين البوليس، لي دخل بصرامة باش يفرض النظام.
البيع بدا من الفجر وباقي مستمر وما شي بعيد تسالا التذاكر ف الساعات القليلة المقبلة.
اللجنة المنظمة بتنسيق مع البوليس سبق ليها خصصت 32 الف تذكرة زائد 13 الف لي غادي يدخلو ببطائق الاشتراك.
ومن المنتظر أن يجرى الديربي بشبابيك مغلق. بسبب عدد الجماهير الغفيرة لي غادي تبع الماتش الاكثر متابعة ف الوطن العربي.