ابداعات حكومة بنعرفة. وا شفتو ها الجزولي ما بقاتش عندو خدمة فافريقيا ولاحوه لاسيا

قال لينا رئيس الحكومة باللي غادي يسمح بكلام رئيس الدولة ويجيب الكفاءات للحكومة. طبعا هاداك الشي ما كانش. استثناءات وصافي. غير هاديك الهيكلة الجديدة فيها ابداع. طلع ذاك الشي كذوب.
نساو الناطق الرسمي باسم الحكومة عبيابة اللي ما فيدوش وشوه فالندوة الصحافية اللي كتجي بعد المجلس الحكومي وشوه فتعيين واحد الموظف وزاد وشوه فالبرلمان باش جاوب على سؤال ما سولو ليه حد. كاين وزير اخر كيدير خدمة ماشي خدمتو.
هاد الوزير هو محسن الجزولي. هادا وزير منتدب لدى وزير الشؤون الخارجية والتعاون مكلف بالتعاون الافريقي. البارح الجمعة رسلاتو الخارجية فين؟ مشى “للقمة 18 لحركة عدم الانحياز اللي نعاقدات فباكو بجمهورية أذربيجان فاسيا.
اييه مشى لاسيا. علاش؟ ما بقاتش الحكومة مادياها فافريقيا وشاط ليهم هاد الوزير وخدامين بيه لشي بلايص ما قادرش يحضر ليها وزير الخارجية.