شاعلة فاسبانيا. الاحكام ضد 12 انفصالي كاتالوني وقفات الحياة فالاقليم. السكان وقفو لوطوروت والمطار والترانات والمدينة ولات ساحة حرب

تعيش مدن اقليم كاتالونيا خاصة برشلونة وخيرونا وتاراگونا يوما غير مسبوق فتاريخها بعد الاحكام الصادرة صباح يومه الاثنين من قبل المحكمة العليا الاسبانية ضد 12 من وجوه الانفصال فهاد الاقليم 9 منهم غاديين يدوزو الحبس. مباشرة بعد الاعلان عن الحكم بدأت الاشكال الاحتجاجية فمدن كاتالونية. توقفت الحركة فهاد المدن منها برشلونة اللي عمرات شوارعها وساعاتها بالمساندين للانفصال عن اسبانيا.
هاد الاحزاب الانفصالية دعات ناسها يوقفو الترانات وهاد الشي اللي كان. الترانات اللي كيجي لبرشلونة وقفات بعد احتلال السكك الحديدية من قبل مساندي الانفصال الاقليم الكاتالوني.
حتى مطار برات ببرشلونة تأثر. كاين اللي دوز 8 سوايع باش يخرج من التيرمينال 1 وتاثرات قرابة 100 رحلة بهاد الشي ودخلو عدد كثار من الانفصاليين للمطار واحتلوا بعض الفضاءات.
كانت اعتقالات قليلة بزاف فيوم ما غاديش يسالي مع الليل. ناس الانفصال طلبو من ناسهم يباتو فالشارع. يستمرو فالاحتجاج.