مزراوي مشى بحالو وخاليلوزيتش ما بغاش يهضر على ليزابسون

وحيد خاليلوزيتش مدرب المنتخب المغربي رخص لنصير مزراوي باش يرجع بحالو لهولندا يكمل العلاج مع أجاكس أمستردام الهولندي.
الطاقم الطبي للمنتخب أكد بلي مزراوي ما يمكنش ليه يلعب الماتشات ديال ليبيا اليوم الجمعة بالملعب الشرفي بوجدة والگابون في طنجة نهار الثلاثاء المقبل.
مزراوي التحق لحكيم زياش، لي ارجع لهولندا نهار الأربعاء بسبب الإصابة.
خاليلوزيتش وجه الدعوة لمهدي كارسيلا، لاعب ستاندار دولييج البلجيكي، باش يلتحق بالكونصوتراسيون ويقدر يلعب اليوم فماتش ليبيا.
المنتخب المغربي خاض أول حصة تدريبية البارح بالملعب الشرفي في وجدة.
المدرب خاليلوزيتش ارفض يتكلم على ليزابسون وقال في تصريحات قصيرة دابا خاصنا نتكلموا على الحاضرين ما شي لي غايب، مؤكدا أن المنتخب المغربي غادي يلعب باش يربح الماتش.