منتخب الفوتصال فاز بلقب فالشينوا.. الدكيك المدرب الوحيد لي مازال كيحقق نتائج – فيديو

المنتخب المغربي للفوتصال فاز بلقب دوري دولي فالشينوا البارح الثلاثاء، بعدما اربح الماتشات كاملة.
فاز على منتخب ماليزيا بثلاثة لجوج والصين بخمسة لزيرو والدنمارك بأربعة لثلاثة.
جميع هاد الماتشات أكد فيهم المنتخب ديال الفوتصال قوته وأسلوب لعبه، وبان بلي المنتخب عازم باش يدافع على اللقب الافريقي، الذي فاز به في جنوب إفريقيا في 2016.
إليكم الدقائق الأخيرة من المقابلة التي حسمت اللقب للمنتخب المغربي بمعدل ثلاث إنتصارات من أصل ثلاث مقابلات ، وصولا إلى تتويج كل من رضى الخياري بجائزة أحسن حارس و سعد كنية بأحسن لاعب في بطولة الصين الدولية .
Publiée par La Ville Haute Kénitra Futsal sur Mardi 8 octobre 2019
بزاف ديال اللعابة تالقوا في الشينوا، وكان لهم دور كبير في انتصارات أسود القاعة بحال إدريس فاني، لي ماركا جوج فماتش الدنمارك وسعد كنية وسفيان مسرار.
وأكثر من هادشي فاز اللاعب سعد كنية بجائزة أفضل لاعب في الدوري ورضا الخياري أحسن حارس مرمى.
هاد النتائج ماكانش غادي تكون لولا العمل الكبير لي كيقوم به المدرب هشام الدكيك، لي نجح يخلق منتخب قوي فاز بكأس إفريقيا للأمم ومشى لاكوب ديموند ثلاثة المرات.
هاد المدرب هو الوحيد في الجامعة لي مازال كيحقق نتائج، حتى ال0ن وكيطمح باش يدي لقب اخر في كأس إفريقيا، لي غادي تنظمها العيون في يناير المقبل.
الدكيك خدام بالسكات بلا بهرجة بلا بوزات وبأقل أجر شهري، في الوقت الذي وحدين أخرين عندهم امتيازات وما دايرين حتا وزة.