خاليلوزيتش مشا لفرنسا يجيب الرحيل باش يستقر هو ومراتو فالرباط

وحيد خاليلوزيتس، مدرب المنتخب المغربي مشا لفرنسا السيمانة اللي فاتت يجيب الرحيل ديالو، باش يستقر هو وامراتو فالرباط.
الاستقرار فالرباط داخل فالكونترا، لي وقعها البوسني خاليلوزيتش مع فوزي لقجع، رئيس الجامعة، وكان هدا هو الاتفاق ديالهم بجوج.
خاليلوزيتش كيستقر بصفة رسمية ففرنسا ومرة مرة كيمشي لبوسنا بلادو الأصلية، ودابا غادي يستقر فالمغرب طيلة مدة إشرافه على تدريب المنتخب الوطني، والجامعة هي لي غادي تكلف بمصاريف الإقامة ديالو.
يقدر يرجع خاليلوزيتش للمغرب غدا الخميس باش يهئ لاليست ديال المنتخب الوطني، لي غادي يعتمد عليها فالماتشات ديال ليبيا والغابون بأكتوبر.
وحيد خاليلوزيتش غادي يعيط ل26 لعاب، من أصل 50 لعاب، لي كاينة باللائحة الأولية.
الناخب الوطني عوال هاد المرة يعيط على لعابة جداد، خاصة أن بعض اللعابة رفضوا يلبوا الدعوة، بحال المهدي بنعطية وكريم الأحمدي وامبارك بوصوفة ومروان داكوسطا.