الغيرة ومادير.. واحد كرا راجل باش يجرب حبيبتو وصدق فالبوليس وروينة

هاد الشينوا عالام. واحد مالقا ميدار ناض كرا راجل باش يجرب صاحبتو واش وفية ليه ولا لا، صدق في البوليس والروينة الكحلة، وتاهموه بنزع الفتن والصداع وشدو الراجل لي كاري فالحبس.
القصة بدات ملي لقى الحبيب رجل فالانترنت كيقدم خدمات ديال الاخلاص للحبيب. عطاه رقم صاحبتو وطلب منو يطيحها فالشبكة. السيد بدا كيدوي مع البنت وعرض عليها يتصاحبو لكن هي رفضات وهو يسبها.
الحبيبة لي سميتها سونگ حطات المراسلات على الشبكة الاجتماعية ورفضت تمسحها واخا قال ليها حبيبها ان داكشي غير كذوب باش يجربها لكن البوليس وصلاتهم القضية ودخلو على الخط.