الحب وما يدير. راجل بقا واقف 6 ديال السوايع في طيارة باش مراتو تكسل وتنعس فوق الكراسى – تصويرة

راجل خلق الجدل في ميريكان بعدما اختار يبقى واقف 6 ديال السوايع في طيارة وعطى بلاصتو لمراتو ترتاح وتكسلات ونعسات في راحتها بعدما شدات 3 ديال الكراسة.
هاد التصرف خلا الناس يطنزو عليه ووصفوها هي بالأنانية كيفما جا في صحيفة “الاندبندت” البريطانية.
كوتش ديال التنمية البشرية اسمو كورتني لي جونسون، هو أول من دوا على هاد القضية في تويتر بعدما نشر تصويرتهم وقال :” الرجل وقف ست ساعات كاملة، من أجل أن تتمكن مراتو من النوم. هذا هو الحب”.
الصورة وكيف أي صورة غادي تقسم الناس لجوج بين لي غادي يجيهم عادي وبين لي غادي يتفلسف.