غير على هادي خاصو يخرج من الحكومة. الوزير الغبي بوليف المغرب كولو حداد وهو كيتغزل على العربية بعدما حزبو صوت على القانون الاطار للتربية والتعليم

البارح بعد ما تم الاعلان عن مقتل 7 اشخاص فملعب لكرة القدم بجماعة ايمي نتيارت دائرة ايغرن وكان العالم الازرق فحداد. كلشي مصدوم بهاد الفاجعة الشوهة لينا٬ خرج كاتب الدولة لدى وزير التجهيز والنقل مكلف بالنقل محمد بوليف بتدوينة سماها “في موضوع اللغة العربية”. كيتحدث فيه على “غنى وحيوية اللغة العربية” اييه وحق الله ايلى دارها. نشرها مع التسعود و55 دقيقة فالليل.
دابا هادا وزير هادا. هاد الوزير الغبي رجع ضحكة كلشي شاد فيه كلشي كيسبو كلشي كيهدر على نوعية بحال هاد الوزراء وكيفاش كيزيدو يكرهو لمغاربة فالسياسة.
دابا كاين تعديل حكومي هاد بوليف راه ما يصلحش حتى مدير قسم فوزارة. بزاف عليه تاوزاريت.