ميكرو طروطوار كود. الزفزافي حر ومنحقو يتخلى على الجنسية المغربية.. حنا كنمشيو غير نقضيو غراض فادارة من قوت كيسخسخونا كنبغيو ناخدو اي جنسية الا المغربية

من بعد ماعلنو معتقلي حراك الريف اللي فحبس راس الما في فاس بما فيهم ناصر الزفزافي عن عزمهم على التخلي عن الجنسية المغربية واسقاطها واسقاط رابط البيعة بدءا من ليلة الجمعة، “كود” سولات المغاربة على رأيهم في هاد القضية؟
بزاف قالو أنه من حق ناصر الزفزافي ورفاقه يتنازلو على الجنسية بحكم الضرر لي لحقهم وهما ماطالبو غير بحقهم، وكون كان شي حد آخر بلاصتهم كان أغادي يطلب كثر من داكشي، والإنسان كيبقى حر.
واخر قال المواطن الى مشى غير للإدارة كيتكره وداك الساعة الى جاتو اي جنسية يقبل بها، لكن البعض الأخر شاف ان هاد الخطوة ماعندها باش تنفع المعتقلين.
وفي المقابل كين لي استنكر الأمر بحكم ان الجنسية المغربية شي حاجة ثمينة بزاف على المغاربة وممكن يدير لي بغا من غير هاد الخطوة.
باقي التفاصيل في الفيديو