من بعد شهراين ديال الزواج لي جاب ليها فيها مرسديس. شروق شلواطي حصلات راجلها العراقي كيخونها مع مغربية

المغربية شروق شلواطي لي عندها لقب ملكة جمال العرب ديال 2015 قلباتها صباط مع راجلها العراقي وهادشي من بعد شهرين فقط من العرس الأسطوري لي دارو في الرباط وحياتو دنيا باطمة وعبد الرحيم الصويري، وراجلها كان جاب ليها آيفون اخر ماكاين و ميرسيديس كهدايا.
وحسب البوسط لي دارت شروق في انستكَرام البارح الجمعة، راجلها ماشي تخلا عليها وانما خانها وكتبات “الوسخ يمشي مع الوسخ والنقا صعيب عليه.
وقالت شروق أن راجلها ولي خانها معاها “بايخين” ، واضافت “حسبي الله ونعمة الوكيل في بنت البلاد والقانون غادي ياخد مجراه”.
وفي لقاء مع احد المواقع قالت المتحدثة أن ضروري في علاقة بين شخصين يكون الاحترام وهادشي لي مكانش وخلاهم يتفارقو.