عبير براني جاها تسمم في فندق مصنف. والمغاربة طانزين عليها حيت جابتها لراسها بالفابور

البارح عبير براني لي كتقدم راسها كوجه معروف في مواقع التواصل الاجتماعي ولي كانت مع الطبقة ديال المغربيات لي مشاو ل Mbc، جاها تسمم ملي كلات في فندق مصنف في كازا.
عبير دارت بوسط في سناب كتسب فيه وتلعن، وقالت أنها كانت غادي تموت بسبب الماكلة الخايبة ديالهم لي ضراتها ومشات للمستعجلات باش تعتق راسها.
الهضرة لي كتبات وقالت عبير متيقوهاش بعض المعلقين لي قالو أنها باغة الحاجة ديال الفابو وسبات الاوطيل حيت مشات وخلصات وهي كانت ناوية زعما تفطر فابور حيت “بلوكَوز”.