لبنى أبيضار مصدومة من بعد التنمر والهجوم لي تعرضات ليه حيت تزوجات

الممثلة لبنى أبيضار بطلة فيلم “الزين لي فيك” لي ممنوع من العرض في المغرب تزوجات نهار الخميس والبارح الجمعة دارت بوسط فصفحتها الرسمية على فيسبوك كتعبر فيه على صدمتها من الهجوم لي تعرضات ليه على حسب ادعاءاتها.
أبيضار كتبات في التدوينة: “كنعاني من هجوم خطير أقوى من الهجوم لي تعرضت ليه أيام زين لي فيك.. لكن هاد المرة ذنبي اني حبيت وتحبيت ولقيت ولد الناس لي عوضني مفات”.
وأضافت: “مافهمتش علاش هاد التنمر وعلاش هاد لغل والحسد والغباء. راني فعلا مصدومة متوقعتش هادشي كامل”.
وتزوجات أبيضار من مصري ودارت العرس في مراكش بحضور غير العائلة والمقربون.
كنعاني من هجوم خطير اقوى من الهجوم لي تعرضت ليه أيام زين لي فيك لكن هاد المرة دنبي اني حبيت وتحبيت ولقيت ولد الناس لي…
Publiée par Loubna Abidar sur Vendredi 26 juillet 2019