جاب الربحة هذا.. المعلم اللي انتاحل صفة صحفي وتحول لبوكسور فالكان تحال على المجلس التأديبي واخا دعمو هاد القيادي الاستقلالي

داك المعلم اللّي نوّض قربالة كبيرة فمصر وتحول من منتخل صحفة صحفي إلى “بُوكْسُورْ” جاب الربحة. مصادر رسمية قالت ل”كود” أنه تقرر إحالة هذا الأخير على المجلس التأديبي التابع للمديرية الإقليمية بمدينة سلا التي كانت فتحات بحث إداري باش تعرف كيفاش مشا داك المعلم للقاهرة.
وقالت المصادر نفسها أنه ينتظر أن يعقد المجلس التأديبي للنظر في قضية داك المعلم، في غضون الأيام القليلة المقبلة، في انتظار إصادر العقوبات المناسبة في حقه. دبا المديرية الإقليمية ديال التعليم دارت خدمتها عنداك غير تنوض عاود نقابة الاستقلال اللي كتنادي بالحكامة تدافع عليه باش ميصدر فحقو والو.
يشار إلى أن هاد المعلم مشا لمصر واسمح فالامتحانات ديال السادس ابتدائي وهرب من الحراسة والتصحيح. هاد السيد كانت كشفت مصادر “كود” أن هادي 3 سنوات كان عندو تفرغ وجابو من الجامعة الحرة للتعليم التابعة للذراع النقابي لحزب الاستقلال، وكان مدعم من قبل داك الاستقلالي عبد القادر الكيحل.