“كود” جابت حقيقة صورة وجبة إفطار فدار الطالب ديال شفشاون اللّي دارت البُوزْ (+وثيقة)

ردت دار الطالب والطالبة بمركز أسيفان بشفشاون، التابعة للجمعية الخيرية الإسلامية على الصورة اللي دارت البوز على مواقع التواصل الاجتماعي، وكتبان فيها شي وجبة من الوجبات الغذائية وقيل على أنها من فطور رمضان تعطات للمسنين فدار الطالب.
الجمعية كذبات هادشي بشكل مطلق وقالت على أن هاد الصورة كترجع لوجبة فطور تخص فترة الصباح خلال فصل الشتاء، موضحة أن لجنة التدبير الخاصة بتسيير مؤسسة الرعاية الإجتماعية خدامة على إعداد برنامج غدائي خاص بالمؤسسة منذ بداية الموسم الدراسي ويتم تغييره بمناسبة شهر رمضان.
هاد الجمعية أدانت بشدة هاد الإتهامات الموجهة للمشرفين على المؤسسة، واعتبرت أن الترويج لهادشي عندو علاقة بتصفية حسابات شخصية. وأكدت أنها غادي تنشر الصور الحقيقة ديال موائد الإفطار الخاصة بالتلاميذ والتلميذات هاد المؤسسة