قائمة ديال الإنستكَرامات الأكثر متابعة في العالم فيها المغنيين والمشاهير والكوايرية

فايسبوك مات ليه الحوت ولاموض حاليا هي إنستكَرام لي فيه الحياة الجميلة ومكين غير تصاور والبوزات والسيلفيات. واليوم غادي نكشفوا لكم على 10 ديال الحسابات لي عندها أكبر عدد ديال المتابعين.
الحساب الأول هو ديال “instagram” نيت لي فيه 297 مليون شخص، تابعو الكوايري كريستانو رونالدو ب164 مليون، ثم المغنية أريانا گراندي ب153 مليون متابع، تابعاها المنافسة ديالها سيلينا گوميز ب149 مليون، والمرتبة الخامسة فيها الممثل دواين جونسون ب141 مليون متابع.
في الرتبة 6 كاينة كيم كاردشيان ب136 مليون متابع، تابعاها ختها كايلي جينر ب127 مليون متابع، وفي البلاصة 8 المغنية بيونسي ب127 مليون متابع، والبلاصة 9 فيها المغنية تايلور سويفت ب116 مليون متابع والرتبة 10 جا فيها ليونيل ميسي ب116 مليون متابع.