ضابطي شرطة فالطاليان كيتحاكمو بسباب الاعتداء على مغربي بالعصا تسببو ليه فالعمى المؤقت

ذكرت تقارير اخبارية ايطالية، اليوم الاثنين، أن محاكمة ضابطي شرطة بميلانو غادي تبدا في 20 مايو المقبل أمام محكمة مونزا بتهمة الاعتداء الجسدي والسرقة والاختطاف. هاذ الجرائم كان الضحية ديالها شاب مغربي عندو 30 عام.
الواقعة طرات في اكتوبر 2017، ضابطي الشرطة مشاو باش يحققو في واقعة اعتداء على مواطن إيطالي. صدقو غالطين في المتهم الحقيقي. الضحية المغربي ما عليه ما بيه شدوه ورشوه برذاذ الفلفل ودفعوه فالطوموبيل ومشاو بيه لكراج معزول وبقا عليه بالعصا وتسببو ليه في إصابات جسدية قوية. القضية تطورات والضحية لجأ للمدعي العام وتعرض على خبرة والتحريات والابحاث كشفات تورط المتهمين ودابا غادي يتحاسبو على هاذ التصرف العنصري قدام القضاء