البوليس طيح عصابة ديال الاكستازي وشد عندهوم 30 الف حبة

أفاد بلاغ للمديرية العامة للأمن الوطني، أن أمن طنجة شد لبارح الثلاثاء، أربعة أشخاص متهمين بترويج المخدرات، واحد منهوم كان مبحوث عنه بمذكرة بحث دولية.
الاعتقال حسب البلاغ، جاء بعد عملية مراقبة باش يشدو المبحوث عنه فحالة تلبس، وهادشي اللي وقع وتشد معاه شخص ثاني كان جاي يشري منو 30 الف حبة دالاكستازي، وتم حجز المخدرات ولفلوس لي كانت غاتشرى بيها، بالاضافة لاعتقال جوج سماسرية فهاد العملية.