وشفتو فين ولينا. ادريس الراضي جامع برلمانيي العود باش ينقالبو على ساجيد فتحالفو مع الاحرار

علمت “كود” ان عضو مجلس المستشارين ادريس الراضي جامع اعضاء مجلسي النواب والمستشارين ديال “الاتحاد الدستوري” غدا السبت فدارو. هدف هاد الاجتماع الانقلاب على امين عام الحزب محمد ساجيد فقضية التحالف مع التجمع الوطني للاحرار.
اييه الراضي معاه جودار اللي غير شاف التزفات فحيو فكازا هاد السيمانا وكان رجال السلطة وبان فحملة انتخابية سابقة لاوانها باش يقولو عليه راه هو اللي جاب الزفت. هادي كون دارها شي حد من العدالة والتنمية كون وزير الداخلية والخارجية و….. كلهم ناضو يغوتو. بالاضافة الي جودار والراضي كاين الزموري ديال طنجة. عباقرة الحياة السياسية صافي.
هادو رافضين التحالف مع التجمع الوطني للاحرار. هو الخطأ دارو هاد الحزب نهار فرضو يدخل للحكومة وعطاه الصيروم باش يبقى عايش. دابا تقلب عليهم ببومزوي