انفراد. ابن اخت مشتري يؤكد: خالي اللي قتل مدراس وها كيفاش تمت التصفية وقال لي غير تهديد ماشي قتيلة

علمت "كود" من مصادر قريبة من التحقيق ان ابن اخت مشتري اللي تسلماتو السلطات المغربية من الاتراك هاد السيمانا اكد ان قاتل البرلماني ديال الاتحاد الدستوري مرداس "هو مشتري =اللي هو مستشار جماعي عن حزب التجمع الوطني للاحرار". وفق مصدر "كود" فان هذا الاخير عطاه لفلوس باش يكري طونوبيلة وترصد لمرداس. غير الجديد وفق تصريحات هاد المتهم الجديد بينات انه "ما كانش فراسو خالو غادي يقتل" بل قال ليه "غادين نهددوه وصافي".
بعد الترصد فوجئ بتنفيذ جريمة قتل بعدها "خدا معاه الطونوبيلة والموكحلة ومشى للجديدة واحد يومين" تقول مصادر "كود" بعدها "قطع لتركيا وهرب".
هاد الشهادة تكذب الروايات اللي خرجات اخيرا وتقول ان شخصا اخر عسكري هو اللي نفذ الجريمة