بوليسي فلابيجي ديال تطوان ضرب فلوس صحيحة وهرب للصبليون

بوليسي فلابيجي ديال ولاية أمن تطوان اختلس فلوس صحيحة وهرب للخارج. فقد علمت “كود”، أن الفرقة الوطنية للشرطة القضائية فكازا فتحات تحقيق فقضية فرار موظف شرطة برتبة ضابط شرطة إلى الديار الإسبانية، بعدما حامت شكوك كبيرة حول اختلاسه مبالغ مالية.
هاد الضابط، حسب المعلومات التي حصلت عليها “كود”، يشتبه في اختلاسه مبالغ مالية كبيرة كان موضوعة بمصلحة التجهيزات والمعدات التابعة لولاية أمن تطوان، قبل أن يغادر أرض الوطن قبل أيام قليلة انطلاقا من مدينة سبتة المحتلة.
دبا الفرقة الوطنية فاتحة تحقيقات باش تعرف جميع الملابسات المحيطة بهاد القضية اللي اطلع البطل ديالها ضابط عندو باسبور صبليوني حقاش الأم ديالو صبليونية، ومعروف عند بوليس تطوان ب”ولد الكاورية”.