ماشي حشومة: ما لقيتو حتى حد يتلاقى الامير هاري ومراتو ميگان من غير بنصالح والبكوري

الامير هاري دوق ساسيكس ومراتو الاميرة ميكان ماركل دوقة ساسيكس وصلو اليوم لكازا. كانو فمراكش ومن بعد نظم سفير بريطانيا فالرباط حفل فيه عيالات كيديرو البيزنس ورياضيين من ذوي الاحتياجات الخاصة.
الامير هاري تلاقى مع لعابة من المنتخب المغربي الاولمبي للاشخاص المعاقين الذين شاركوا في الالعاب الاولمبية الموازية بلندن عام 2012. تهادرو تناقشو.
من بعد تلاقى هاري وميگان فتلاقات مع باطرونات فالمقاولة. المشكلة هي انها تلاقات مع مريم بنصالح ديال الباطرونا سابقا. علاش غير هي فالبلاد اللي ممكن تتكلم على لمرا فالبلاد. ما كايناتش نساء اخريات.
سالاو من بنصالح دازو لمصطفى البكوري. ماشي بالكاسكيط ديال جهة الدار البيضاء بل بكاسكيطة ديال الوكالة المغربية للطاقات المستدامة.
واش كاين غير هاد الباكوري. علاش ما يشوفش ناس خراين.