بنت بندر خدات بلاصة باها فواشنطن وولات اول مرا سفيرة للسعودية. باغية تنسي ميريكان فوحشية قتل الخاشقجي

السعودية باغية تنقد اللي قدرها من فضيحة قتل الصحافي السعودي جمال خاشقجي بقنصلية المملكة باسطمبول. باغية تحمي ولي العهد محمد بن سلمان للي كلشي كيسير فضلوعو فهاد الجريمة الشنيعة. اخر ما اقترحه اللي كيخدمو مع الامير ولي العهد حقاش هو اللي كيحكم٬ هو تعيين مرا فسفارة الرياض بواشنطن فبلاصة خو ولي العهد وولد الملك واسمه خالد بن سلمان اللي من نهار قتلات السعودية خاشقجي وهو فبلادو.
المرا كتعرف ميريكان مزيان. هي ريما بنت بندر بن سلطان اللي كان بوها سفير لبلادو من 1983 حتى 2005. اشهر ديبلوماسي =سفير= فتاريخ السعودية. تشهر بزاف بعلاقاتو القوية مع اليمين المحافظ فامريكا. مع بوش كلشي كيدكر كيفاش كانت طيارة وحدة اللي غادرات ميريكان بعد الاحداث الارهابية ديال 11 شتنبر 2001. واخا غالبية الارهابيين اللي نفذو التفجيرات من السعودية.
السعودية باغية هاد ريما تلقى ليها شي حل فقضية تهديد نواب وأعضاء في مجلس الشيوخ الأمريكي باش يتاخذو تدابير صارمة ضد بلادها بسبب وحشية العمل الاجرامي، خاصة بعد اتهامات لولي العهد بأنه مسؤول شخصيا عن الحادثة.
ريما عاشت حياتها كلها تقريبا فامريكا. عندها بكالوريوس في جامعة جورج تاون تخصص دراسات المتاحف. باش رجعات للمملكة مع بوها ف2005 خدمات فالقطاعين العام والخاص. بقات عندها علاقة مع صحاب لفلوس الامريكيين