عطوان تخلطو عليه لعرارم. رجع الملكية المغربية عضو ف”مجلس خليجي” وما هدر على المواقف لا على البيانات

عبد الباري عطوان اللي عندو معجبين بزاف فالمغرب واللي باع القدس العربي للقطريين ناض كينتاقدهم ووصفهم فعمودو “الى الامة العربية بعد الطز الف تحية” وقال عليهم “ما اخبار قطر؟: عرابة الثروات وخنجر الخيانات ومطبخ للامبرالية”. باش باع ليهم وخدم معاهم ما كانتش “مطبخ للامبرالية” حتى لدابا عاد ولات.
المهم بينو وبين قطر. اللي قودها فيه هو انه باش كتب “ما اخبار المغرب؟” قال “انتسب الى مجلس خليجي باسم الملكية”. اي قارئ ماشي محلل كبير ولا صديق القنوات العالمية٬ وكانت فيه شوية الموضوعية غادي يعرف باللي المغرب قاطع مع الخليج. اخر دليل ان المغرب قاطع القمة العربية اللي دارت فالسعودية ثم ان علاقتو بالسعودية واخا كاينة “السيلفي” مع ولي العهد محمد بن سلمان اللي دارها الملك محمد السادس فباريس٬ علاقة ماشي هي هاديك. هاد الشاب اللي كيحكم السعودية تالف ودايخ ومتهور.
كيفاش المغرب منتسب لهاد المجلس وكلشي قراراتو الاخيرة ضد سياستهم الخليجية.
المثير ان السي عطوان ما جبدش لا الجزائر لا تونس لا موريتانيا. السيد كبر وخرف وصافي