طلبة الطب دايرين إضراب و مسيرات كبيرة

التنسيقية الوطنية لطلبة الطب بالمغرب غادي تدير إضراب وطني يوم الأربعاء القادم 27 فبراير مصحوبا بمسيرات احتجاجية على الصعيد الجهوي للتنديد بمجموعة من المشاكل لي كيعاني منها الطلبة الأطباء.
وحول تلك المشكل، قال المنسق الوطني أيوب أبوبيجي، إن المشكل الأول يتمثل في قرار الوزارة القاضي بالترخيص لكليات الطب الخاصة وهذا يعني أن هاد الكليات غادي تدرب الطلبة ديالها بالمستشفيات الإستشفائية العمومية، الأمر لي غادي يكون عندو تأثير سلبي على جودة التكوين نظرا للنقص على مستوى الأساتذة المكونين ومعدات التكوين، وفق تعبيره.
وأضاف أيوب في تصريحات ل”كود” أنه كاين مشكل آخر لي دفع التنسيقية تلعن على إضراب وطني ولي هو “نظام الدراسات الطبية الجديد لي مختلف تماما عن النظام القديم ولي بدا العمل به هادي أربع سنوات رغم عدم وجود أي نص قانوني يؤطر الأسلاك التعليمية فهاد النظام الجديد”.
وبحسب نفس المصدر، مكاينش غير هاد الجود مشاكل، كاين مشكل آخر يتعلق بالمرسوم لي صدرت وزارة الصحة ولي كيسمح ليها تسيفط طلبة السنة السابعة إلى مناطق نائية من أجل سد الخصاص عوض مواصلة تداريبهم الإستشفائية.
كما أشار المتحدث أنهم يطالبون بإلغاء هاد المرسوم لأن “طالب السنة السابعة خاصو أول حاجة يكون مؤطر وميمكنش تعتمد عليه باش يحل مشكل النقص في عدد الأطباء وهادي مسألة خطيرة كتخلق لينا بزاف ديال المشاكل مع المواطنين”.
وبخصوص نتائج الحوار لي جمع ممثلين عن التنسيقية مع وزير التعليم العالي بحضور عمداء الكليات والمديرين ديال المستشفيات الجامعية، قال أيوب إن مبررات هؤلاء المسؤولين حول القرارات لي اتخذوها مكانتش مقنعة ومخرجناش بشي حلول عملية، على قوله.