ظاهرة دگديگ المشرملين للطونوبيلات وصلات لآيت ملول. روشيرشي بيت حي كامل سهران هو وصاحبو بعدما رونوها طاسة

ظاهرة دكديك السيارات وصلات لآيت ملول. بوليس لمدينة شد، أمس الأربعاء، مشرمل، فعمرو 31 سنة، ضربها بسكرة وبدا كيخرب فالطونبيلات اللي واقفة فحي المسيرة.
وجا تدخل البوليس بعدما استنجدوا سكان الحي بهم عبر الاتصال بالخط 19. عناصر الدراجين وبمجرد وصولهم لقاو زوج محيحين بالسيوف ومدكدكين عدد من السيارات، ليجري إيقاف المعني بالأمر فيما لاذ شريكه بالفرار وما زال البحث متواصل عليه.
ووضع المشتبه فيه، اللي بين التنقيط ديالو أنه من موضوع 4مذكرات بحث من أجل السرقة والتهديد والابتزاز والضرب، رهن تدبير الحراسة النظرية في انتظار عرضه على القضاء، اللي من المنتظر يتابعو بتهم السكر العلني البين وحيازة سلاح أبيض وإلحاق خسائر مادية بملك الغير .